Debate të ashpëra janë mbajtur këtë të enjte në seancën parlamentare, ku deputeti i PD Enkelejd Alibeaj kërkoi që kryeparlamentarja të thërriste kryeministrin Edi Ramën që ai të japë llogari në lidhje me skandalin e ish-zyrtarit të FBI-së, Charles McGonigal.
Po pas kërkesës, kryeparlamentarja i ka hequr fjalën.
Sakaq nga ana tjetër, Alibaeaj tha se kryeministri Rama duhet të japë sqarime pasi ai është njeriu që ka shkaktuar strumbullarin e një skandali korruptiv.
Pjesë nga debati:
Enkelejd Alibeaj: Kërkesë që sot në këtë seancë do duhet të jetë perzent kryeministri Edi Rama, ajo karrige nuk mund të rrijë bosh. E bëra këtë kërkesë para nisjes së renditjes së rendit të ditës, nuk mund të bëjmë sikur s’ka ndodhur asgjë kur gjithë bota është duke gumëzhitur…
Lindita Nikolla: Nuk është fare kërkesë lexojeni nenin përkatës
Enkelejd Alibeaj: të lutem
Lindita Nikolla: Mos mu lut fare se ju referove rregullores
Enkelejd Alibeaj: Kërkesa për procedurë kërkohet në çdo kohë
Lindita Nikolla: Jua dhashë fjalën
Enkelejd Alibeaj: Më lini të mbaroj. Ju jeni garante për të thirrur këtu Edi Ramën se ai njeri që është strumbullari i një skandali korruptiv që ka disa ditë që vlon në Shqipëri e Amerikë do duhet të japë sqarime më së pari në Parlament, ky është vendi ku duhet të jetë prezent.
Lindita Nikolla: Do ju ndërpres fjalën.
